مشكلتي مع مربع تختلف قليلاً

السلام عليكم ورحمة الله وبركاته ..

انا مشكلتي مع مربع تختلف قليلاً ..

نصب بإحتراف أكثر

انا كنت عندك استضافه كويتيه وكان صاحب الاستضافه صديق ( برايفت : انتبهوا من الاصدقاء لا تحجز عنده لان لو صارت مشكله بالموقع راح تخرب الصداقه ) لكن الحمدلله انا والاخ هذا اكبر من مواقع انترنت ومازلنا اكثر من اخوه

والحمدلله حجزت الدومين من عنده واخذت بيانات الدومين كامله

بعد فتره ضقت ذرعاً بمشاكل استضافته وفجأه وانا جالس احاول كـ دائماً محاولات فاشله لتعلم البرمجه ( بأي لغه كانت حتى لو لغة التبن اهم شئ برمجه وبس ) :>

دخلت سوالف سوفت المنحووس ووجدت في اخر الموقع الاستضافه مقدمه من مربع

هنا على طول نسيت البرمجه وضغطت على الرابط شفت الاسعار والمساحات مناسبه جداً جداً

بدون تردد راسلت الدعم الفني وعلى طول حولت المبلغ الساعه 4 الفجر ( الثقه جت لانه مستضيف سوالف سوفت )

ارسلوا لي انه تم استلام المبلغ وتم نقل الموقع .. هنــا الفرحه ما وسعتني اني ارتحت وراح ابدأ اتفنن واطور بموقعي ولان المساحه كبيره فتحت العنان أمامي والمستقبل ظننت انني سأحطم أرقـام موقع ….. ( موقع تمنيت ان اتعداه بالزوار والاعضاء )

جلسنا يومين الموقع متحسن بعدها كثرة المشاكل !

نراسل الدعم الفني يقولي ما فيه مشكله !

جلست اعني من هالمشكله ( ما يفتح الموقع مرات ومرات الملقم مشغول ) ..

وجدت رقم هاتف الشركه على طول فتحت الجوال واتصلت كلمت واحد قالي عطني عنوان موقعك ؟

قلت كذا كذا

قال اخوي هذا الموقع مو بإستضافتنــا !!!!!!!!

من الصدمه جلست شوي وبعدين رديت قلت شلون مو بإستضافتكم وانا متأكد اني ناقل لكم ..

قالي الان افتح تذكره واعطني رقمها واعطني عنوان التسديد قلت اوكي وهو معي بالهاتف فتحت تذكره وقالي اوكي

واعطيته كل الي يبي

تتوقعون وش طلعت المشكله ؟؟

الدعم الخايس ( عذرا على هذا اللفظ ) ما غير السيرفر نيم ؟؟ ( انا ما عندي خبره بهالاشياء سيرفر نيم وما ادري وشو الي اعرف موقع طافي وموقع شغال )

المهم قفل الموقع 24 ساعه للتحديث واشتغل مره ثانيه

حلووو تحسن صار يفصل باليوم مره وحده بس ( العوض ولا القطيعه )

تحطمت آمالي القديمه واني اريد التطوير واصبحت اريد فقط أن يعمل الموقع بشكل جيد

جلست فتره وصارت مشكله عندي في المنتدى طلبت باك اب

وتم تنفيذ الطلب وأشكركم يامربع على إعادة موقعي شباب كما كان ( للي ما يفهمها رجع موقعي شهر ورى )

المهم سألت عن السبب كالعاده الدعم الفني لم يغير الدي ان اس ( سؤال محيرني : يأخوان انا ما اعرف بهالسوالف لكن اليس السيرفر نيم والدي ان اس في لوحه واحد لوحة الدومين ؟ لماذا لم يتذكر عندما قام بالتغيير الاول ) قد يضحك البعض لانهم ” لعبوا علي بهالكلمتين ” لكــن أكملنا المسيره ولا يأس مع الحياه ( برايفت لمربع : المنتدى الان يسجل فيه باليوم اكثر من 60 عضو جديد بدون لا اعلان ولا اشهار فمت قهر )

استمرينا على هالحال لكن مشكلة الملقم مشغول مازالت تؤرق نومي

حاولت بعدها ومن حقي ان اقوم بحماية منتداي ( احد يعترض علي أو اخطأت بشئ ؟ )

قمت بتغيير مسار admincp و modcp تخيلوا حتى في هذي ما خلونا نرتاح صار الادمن ما يشتغل نهائيا حتى رجعتها زي ما كانت !!!

سوينا لمجلد vb تصريح 111 طفى المنتدى وطلبوا مني ارجاع التصاريح

المهم في يوم من الايام قلت انا ليش ما اتناقش مع مربع عن حل جذري لمشكلة الملقم مشغول

فتحت تذكره وبدأت الاسئله وهم يجاوبون ووصلوا لحل ( وليتني لم اناقشهم عرفوا اني غشيم بشغلات السيرفر وياويلك اذا عرفوا ) قالوا لي ياحبيبي استهلاك موقعك كبير لازم ترقي انا عن طيب نيه على طول سألت عن المبلغ الي ازوده قالوا لي الفلاني وحولت على طول

وتم النقل .. طبعا قلت لهم ياشباب لا تنسون السيرفر نيم والدي ان اس << يقاله فاهم

المهم مرت الايام ورجعت المشكله ما فيه فكه

قالوا لي لازم ترقي لـ مربع خاص بـ 200 ريال شهرياً

هنـــا أنا توقفت

رقوا الاستضافه لمربع خاص بعد فتره رجع الموقع باك اب ورى !! ولحسن الحظ عندي باك اب يومي بعد مشكلتهم الاولى

ارسلته لهم وركبوه ( هنا احاول تمضية هذه المده بدون مشاكل )

وبعد فتره جتني رساله من مربع تطلب مني تجديد رسوم الشهر الثاني هههههههههههههههههههههههههههههههه

أنا لا أريد مراسلة مربع ولا مطالبتهم بأي شئ لا أريد منهم شئ في الدنيـا .